Ikipe ya Arsenal binyuze mu bakinnyi bayo barimo Jurrien Timber, David Raya , Christian Nørgaard ndetse na Ben White yageneye ubutumwa u Rwanda ndetse n’Isi muri rusange, muri iki gihe cyo Kwibuka ku nshuro ya 32 Jenoside yakorewe Abatutsi mu 1994.
Mu mashusho iyi kipe yasangije ku mbuga nkoranyambaga zayo, mu gitondo cyo kuri uyu wa Kabiri tariki 07 Mata 2026, aba bakinnyi mu butumwa bwabo bavuze ko bifatanyije n’Abanyarwanda muri iki gihe cyo Kwibuka.
Myugariro Jurrien Timber yagize ati ” kuri iyi nshuro ya 32 Twibuka Jenoside yakorewe Abatutsi mu 1994, twunamiye abambuwe ubuzima n’iyi Jenoside, tukaba dufashe mu mugongo Abanyarwanda muri iki gihe cyo Kwibuka.”
Ikipe ya Arsenal imaze imyaka umunani ikorana n’u Rwanda binyuze muri gahunda ya Visit Rwanda yateje imbere ubukerarugendo bw’u Rwanda ku kigero cyo hejuru.
AMASHUSHO y’ubutumwa abakinnyi ba Arsenal bageneye u Rwanda n’Isi muri rusange muri iki gihe cyo Kwibuka ku nshuro ya 32 Jenoside yakorewe Abatutsi mu 1994.
🕯️ ‘Kwibuka’ means ‘to remember’.
— Arsenal (@Arsenal) April 7, 2026
Today we mark the 32nd commemoration of the 1994 Genocide against the Tutsi in Rwanda. pic.twitter.com/Rh9bqekeup
