Benshi mu baturage bu Rwanda bakunze guhangayikishwa n’ibibazo by’ingendo z’imodoka rusanjye, kubera uburyo usanga bigorana kubona itike mu bice bitandukanye by’igihugu, ndetse no mu mujyi wa Kigali, ahategerwa uhasanga imirongo miremire cyane.
Iki kibazo cyakomeje kugarukwaho cyane cyamaze kubonerwa igisubizo na Centrika Ltd, isanzwe ikora ikoranabuhanga ry’amatike,iki kigo cyamaze kubaka porogarame ya mudasobwa izajya izafasha abagenzi kuba bagura amatike babyikoreye, ndetse bakareba n’imyanya isigaye mu modoka.
Centrika Ltd, kandi yatangaje ko abadafite terefone ngendanwa zabasha kugura itike, bazashyiraho aba agenti bakorera mu tuzu hirya no hino hatandukanye, ku buryo ugenda ukagura itike ubundi ugasubira mu mirimo, ugategereza ko isaha igera, ukajya ahabarizwa imodoka.
Iki kigo kandi cyakoze ikarita yo kwishyuraho ingendo izaza yunganira TAP&GO, yitwa Safari Bus, izajya inifashishwa mu bindi bikorwa nko mu kwishyura ibiryo muri resitora.
Ibindi bizakosorwa harimo nko kuba umuntu yakwishyura urugendo yagenze, bitandukanye nuko urugendo rwishyurizwaga muri rusanjye, nk’urugero niba ivuye mu mujyi ujya I Remera, uviriyemo hagati akishyura angana nugera I Remera.
