Minisitiri w’Ububanyi n’Amahanga n’Ubutwererane, Ambasaderi Nduhungirehe Olivier, yageze i Luanda, aho yitabiriye ibiganiro, bigamije gushakira hamwe umuti w’ibibazo by’umutekano muke biri mu Burasirazuba bwa Repubulika Iharanira Demukarasi ya Congo (RDC).
Minisitiri Nduhungirehe ari muri Angola aho yitabiriye inama ya gatandatu yabaye kuri uyu wa mbere, tariki ya 25 Ugushyingo 2024.
Ni ibiganiro bikurikira inama ya gatanu yabaye mu Kwakira yahuje intumwa y’u Rwanda Minisitiri w’Ububanyi n’Amahanga, Amb Olivier Nduhungirehe na mugenzi we wa RDC, Kayikwamba Wagner .
Muri iyo nama hashyizwe umukono ku masezerano y’imyanzuro ihuriweho y’ibihugu byombi ndetse n’umujyi a, igaragaza uburyo bwo guhashya umutwe wa FDLR ubangamiye umutekano w’u Rwanda.
Aya masezerano yasinywe akurikiye gahunda yatanzwe n’inzobere mu by’umutekano z’ibihugu byombi, yabaye muri Nzeri uyu mwaka.
Ibigabiro bibera i Luanda bifite intego yo kuzahura umubano no gushyiraho ingamba zo gukemura ibibazo by’umutekano mu burasirazuba bwa RDC, byiganjemo ibitero by’imitwe yitwaje intwaro n’ubwicanyi bwibasira abaturage mu bice bitandukanye by’igihugu.
