Muheto Divine wabaye Nyampinga w’u Rwanda 2022, yatawe muri yombi akurikiranyweho ibyaha birimo gutwara ikinyabiziga yanyoye ibisindisha birengeje igipimo, kandi nta ruhushya rwo gutwara ibinyabiziga agira, kugonga no kwangiza ibikorwa remezo, hamwe no guhunga nyuma yo kugonga.
Ni amakuru yatangajwe na Polisi y’u Rwanda ibinyujije ku rubuga rwa X, kuri uyu wa kabiri tariki ya 29 Ukwakira 2024.
Itangazo riragira riti” Polisi iramenyesha ko Miss Muheto Divine yafashwe kubera gutwara ikinyabiziga yanyoye ibisindisha birengeje igipimo, kandi nta ruhushya rwo gutwara ibinyabiziga agira, kugonga no kwangiza ibikorwa remezo, hamwe no guhunga nyuma yo kugonga.”
Polisi yongeyeho ko ibi byaha atari ubwa mbere bigaragaye kuri Muheto, dore ko mu mwaka wa 2023 nabwo yakoze impanuka ikamutera ibikomere ku jisho ndetse n’imodoka irangirika bikabije.
Muheto Divine yabaye Nyaminga w’u Rwanda 2022, asimbuye Ingabire Grace, ndetse akaba ari nawe ugifite iri kamba kubera ko nyuma yaho iri rushanwa ryahise riba rihagaritswe.
