Umuraperi Nasty C ukomoka muri Afurika Y’Epfo yageze i Kigali aho yitabiriye igitaramo cya Davis D cyo kwizihiza imyaka 10 amaze mu muziki, gitegerejwe kuri uyu wa gatanu, tariki ya 29 Ugushyingo 2024.
Nasty C yasesekaye mu Rwanda mu ijoro ryo ku wa Kane tariki 28 Ugushyingo 2024, aho yitabiriye igitaramo cya Davis D yise ‘Shine Boy Fest’ kiri bubere muri Camp Kigali.
Nasty C azwi mu ndirimbo zirimo ‘Particular’ yakoranye na Major Lazer na DJ Maphorisa, ‘The Coolest Kid in Africa’ yakoranye na Davido n’izindi.
Ni inshuro ya gatatu uyu muraperi agiye gutaramira abanya-Kigali kuko no mu 2023 yahataramiye mu gitaramo cyiswe ‘Ferwaba All Star Concert’, ndetse no muri 2022 atarama muri ‘Chop Life Kigali’.
Igitaramo ‘Shine Boy Fest’ kizitabirwa n’abandi bahanzi batandukanye barimo; Platini P, Bushali, Nel Ngabo, Bulldog, Danny Nanone, Ruti Joel, Dj Marnaud, Toxxyk n’abandi.
Umuhanzi Davis D, uri mu bakunzwe mu Rwanda, aherutse gushyira hanze indirimbo Jeje, yakoranye na Platini P.
