Ubushinjacyaha ku Rwego Rwisumbuye rwa Nyagatare bwabasabiye igifungo cya burundu abagabo babiri bo muri aka Karere bakekwaho ibyaha byo kwica abagore babo.
Aba bombi baburanishirijwe mu ruhame, kuri uyu wa Mbere, tariki 8 Ukuboza 2025.
Abaregwa baburanye bemera icyaha barimo uwo mu Murenge wa Katabagemu wishe umugore we w’imyaka 29 wari utwite inda y’amezi umunani n’undi wo mu Murenge wa Karama w’imyaka 65 wakubise umugore we bimuviramo urupfu.
Ubushinjacyaha bwabasabiye igihano cy’igifungo cya burundu kitagabanywa bitewe n’uburemere ndetse n’ubukana bakoranye ibyo byaha.
Biteganyijwe ko izi manza zombi zizasomwa ku itariki 18 Ukuboza 2025.
