Banki Nkuru y’u Rwanda (BNR) yagaragaje uburyo urwego rw’imari rwagize uruhare mu iterambere ry’ubukungu bw’igihugu, ndetse igaruka ku bibazo byagiye bigaragara, n’ubwo muri rusange ubukungu bwa Banki bukomeje kugenda neza.
Ibi byagarutsweho mu itangazo ryasohotse kuwa 18 Ugushyingo 2024, ubwo Banki Nkuru y’u Rwanda yagaragazaga raporo isobanura uko banki z’igihugu zitwaye mu mwaka wa 2023/2024.
Raporo yerekana ko inguzanyo nshya zatanzwe zazamutse ku kigero cya 33%, aho zageze kuri miliyari 2,162.5 mu mwaka wa 2023/2024, bigaragaza ko iki kigero kiyongereye.
Nubwo hari izamuka mu nguzanyo nshya, raporo yerekana ko igipimo cy’inguzanyo zitishyuwe cyageze kuri 5%, kikaba gihwanye n’amafaranga miliyari 267 Frw.
BNR yagaragaje kandi ko imiterere y’imari y’amabanki ikiri nziza. Muri Kamena 2024, urugero rw’ubwizigame burambye rw’amabanki (NSFR) rwari 135.6%, ruri hejuru y’urugero rwa 100% rwari rutegetswe.
BNR yagaragaje kandi ko imiterere y’imari y’amabanki ikiri nziza. Muri Kamena 2024, urugero rw’ubwizigame burambye rw’amabanki (NSFR) rwari 135.6%, ruri hejuru y’urugero rwa 100% rwari rutegetswe.
Muri iyi raporo, BNR yashimangiye ko nubwo hari ibibazo by’imari bimwe na bimwej muri banki, imicungire y’abafite inguzanyo zikiri kwishyurwa iri kugenda neza.
Banki zikomeje gushyira imbere gahunda zo gukurikirana amadeni, hagamijwe gukumira ibibazo by’ubukungu bwazahazwa n’izamuka ry’ibikorwa by’inguzanyo zitishyuwe.
BNR kandi yagaragaje ko 78.5% by’amafaranga y’abakiriya yabitswe muri banki yakoreshwa mu gutanga inguzanyo, bigatuma banki zikomeza gukora neza mu rwego rw’ubukungu.
