Kapiteni w’ikipe ya Rayon Sport, Kevin Muhire yasabye abafana kuzitabira umukino uzahuza Rayon Sport na Gasogi United, ku wa gatandatu, tariki ya 21 Nzeri, saa moya z’ijoro muri stade Amahoro. Kuko ariho bazongera kwiyungira n’abafana bamaze igihe ntabyishimo iyi kipe ibaha.Â
Rayon Sport ntiyabashije kwitwara neza muri Shampiyoni, dore ko imaze kunganya imikino ibiri irimo uwo yakinnye na Marines ndetse n’Amagaju. Ni mu gihe uwa gatatu yagombaga gukina na APR FC wagizwe ikirarane kubera iyi kipe iri mu mikino Nyafurika.
Muhire Kevin yasabye abakunzi bayo kutazacikanwa n’uyu mukino kuko ariwo bazakoresha biyunga nabo, ati “ Abakunzi bacu turabatumiye ku mukino wa Gasogi United kuko ni wo twifuza gukoresha twiyunga na bo.
Turashaka kureba niba koko ari abakunzi cyangwa abafana bazaze babitwereke kuri Stade kuko tuzanereka KNC ko tutari abagore nkuko yabivuze, ahubwo turi abagabo.”
Gasogi United niyo iyoboye urutonde rwa Shampiyona n’amanota arindwi, mu gihe Rayon Sport ifite amanota abiri ikaba iri kumwanya wa 11.Â
