Umukinnyikazi wa filime nyarwanda Muhimpudu Sandrine uzwi nka Rufonsina muri filime ‘Umuturanyi’, yambitswe impeta n’umusore bamaze imyaka 11 bakundana.
Ni ibirori byabaye mu ijoro ryo kuri uyu wa mbere tariki ya 28 Ukwakira 2024, kuri Ahava River Kicukiro, ari naho uyu musore witwa Bugingo Janvier yambikiye impeta Rufonsina.
Aba bombi bamaranye imyaka 11 bakundana cyane ko babana no mu nzu imwe ndetse banafitanye umwana w’imyaka icyenda.
Mu byishimo bivanze n’amarira Rufonsina yakiriye impeta yemerera uyu musore gukomezanya nawe urugendo rw’ubuzima n’urukundo.
Rufonsina ni umwe mu bakinnyi ba filime b’abagore bamaze kwandika izina mu sinema Nyarwanda, aho yamenyekaye muri filime zitandukanye zirimo ‘My heart’, ‘Umuturanyi’, ndetse akaba ari no mubari guhatana mu bihembo bya Mashariki African Film Festival.
