U Rwanda n’Ikigo Mpuzamahanga gitanga Serivisi mu bya Dipolomasi (International Institute for Diplomacy: IID) byashyize umukono ku masezerano y’ubufatanye azagenga imikoranire y’impande zombi.
Aya masezerano agena ko impande zombi zizafatanya mu bijyanye n’amahugurwa yo ku rwego ruhanitse ku bikorwa bya dipolomasi, ibiganiro, amategeko mpuzamahanga, itumanaho n’ubutwererane bihuriweho.
Aya masezerano yashyizweho umukono ku wa 10 Ukuboza 2025, mu Busuwisi.
Mu isinywa ry’ayo masezerano, u Rwanda rwahagarariwe na Bakuramutsa uruhagarariye muri Loni no mu yindi miryango mpuzamahanga iherereye i Genève na Perezida wa IID, Pablo Demierre wari kumwe na Visi Perezida, Vincent Subilia.
IID ni ikigo cyakomotse mu Mujyi wa Genève mu Busuwisi, gifite intego yo guteza imbere imicungire myiza y’umubano mpuzamahanga, ibiganiro, ubuvugizi ndetse no kongera ubumenyi ku bijyanye na politiki mpuzamahanga n’imibanire y’ibihugu.
