AIME Uwimana yatumiwe muri Gen-Z Comedy show

Igitaramo cy’urwenya Gen – Z  comedy Show ni kimwe mu bitaramo bimaze kubaka izina ahanini biturutse ku buryo gihuriza hamwe urwenya,umuziki ndetse n’ubundi buzima bw’Abaturarwanda.

Iki gitaramo kiba  inshuro ebyiri mu kwezi ,kuri iyi nshuro cyatumiwemo umuhanzi ukomeye mu ndirimbo zo kuramya no guhimbaza Imana, Aime Uwimana.

Aime Uwimana azaganiriza urubyiruko ruzitabira iki gitaramo  ndetse anaririmbire abazaba  bari muri iki gitaramo indirimbo ze zitandukanye zo kuramya no guhimbaza Imana.

Ni mugihe mu gice cy’umutumirwa , muri iki gitaramo, urubyiruko ruzagira umwanya wo kuganirizwa n’umuyobozi mukuru ushinzwe ibijyanye no guteza imbere urubyiruko muri Ministeri y’urubyiruko n’ubuhanzi , Madamu Tetero Solange.

Azaganiriza urubyiruko ruzitabira iki  igitaramo  ndetse  hakazabaho n’umwanya wo kumubaza ibibazo bitandukanye bishingiye  ku kiganiro azagirana n’urubyiruko ruzaba ruri muri iki gitaramo.

Abazitabira iki gitaramo kuri uyu wa kane tariki 24 Nzeri 2025, bazasususrutswa kandi n’abanyarwenya batandukanye barimo Pilate, Muhinde, Joshua Comedian, Mc kandi na Musa, n’abandi banyarwenya.

Umuhanzi Aime Uwimana uzataramira abazitabira iki gitaramo ni umuhanzi ufatwa nk’umunyabigwi mu muziki wo kuramya no guhimbaza Imana, bikaba ari ibintu amazemo imyaka igera kuri 30.

Aime azwi mu ndirimbo ze zitandukanye zirimo Inkovu z’urukundo, Iminsi yose, Muririmbire Uwiteka, Njye nd’umukristo, n’izindi nyinshi.

Iki gitaramo giteganyijwe gutangira ku isaaha ya 6h00 z’umugoroba, kwinjira bikaba ari amafaranga ibihumbi bitanu (5000FRW) mu myanya isanzwe ndetse n’ibihumbi 10 mu myanya y’icyubahiro (10000FRW).

AIME UWIMANA AZASUSURUTSA ABAZITABIRA GEN – Z COMEDY SHOW