Mu gusoza urugendoshuri ku mateka y’Urugamba rwo Kubohora igihugu rwakozwe na RPA, abanyeshuri biga mu Ishuri Rikuru rya Gisirikare rya RDF bagiranye ikiganiro n’abayobozi bakuru ba gisirikare ku cyicaro gikuru cya RDF i Kimihurura, bagamije kurushaho gusobanukirwa amateka yo kubohora u Rwanda.
Abo banyeshuri bagejejweho ikiganiro na Gen (Rtd) James Kabarebe,Umujyanama Mukuru mu by’Umutekano mu Biro bya Perezida wa Repubulika, afatanyije n’Umugaba Mukuru w’Ingabo za RDF, Gen MK Mubarakh, hamwe n’abandi bajenerali n’abasirikare bakuru bagize uruhare mu rugamba rwo kubohora igihugu rwakozwe na RPA.
Aba banyeshuri bari bamaze iminsi mu rugendoshuri rwo kwiga ku mateka y’urugamba rwo kubohora igihugu.
Muri uru rugendoshuri aba banyeshuri basuye ibice bitandukanye bibitse amateka y’urugamba rwo kubohora Igihugu no guhagarika Jenoside yakorewe Abatutsi.
Abanyeshuri basoje urugendoshuri bahawe ikiganiro
