Komisiyo y’igihugu y’amatora yatangaje abakandida 12 batsindiye kwinjira muri sena y’u Rwanda, biganjemo abari bari muri manda iheruka.
NEC yatangaje ibyavuye mu matora yabaye kw’itariki ya 16 Nzeri 2024, aho abagize inteko itora bihitiyemo abasenateri 12 muri 28 bari biyamamaje mu ntara zose z’igihugu n’umujyi wa Kigali.
NEC yatangaje ko abatowe mu Ntara y’Amajyaruguru ari Dr. Nyinawamwiza Laetitia wagize amajwi 73.00% na Rugira Amandin wagize 62.61%.
Majyepfo hatowe Umuhire Adrie agira amajwi 70,42%, Uwera Pélagie n’amajwi 62.91% na Cyitatire Sosthene wagize 61,74%.
Mu Burasirazuba harimo hatowe Bideri John Bonds wagize amajwi 80,46%, Nsengiyumva Fulgence agira 68,53% na Mukabaramba Alvera wagize 76,40%.
Mu Burengerazuba hatowe Havugimana Emmanuel n’amajwi, 69,45%, Mureshyankwano Marie Rose 74,67%, Niyomugabo Cyprien wagize amajwi 67,88%.
Mu gihe mu Mujyi wa Kigali hatowe Nyirasafari Espérance wari usanzwe ari Visi Perezida wa Sena y’u Rwanda wagize amajwi 55,26%
