RwandAir igiye guhagarika ingendo zijya Cape Town 

Sosiyeti ya RwandAir ikora ingendo zo mu kirere yatangaje ko izahagarika ingendo zijya n’iziva mu mujyi wa Cape Town muri Afurika y’Epfo. 

Ni icyemezo cyatangajwe n’iyi sosiyeti ku wa kabiri tariki ya 17 Nzeri 2024, ariko ntihatangazwa impamvu yiri hagarikwa. Uyu mwanzuro uzatangira gushyirwa mu bikorwa tariki ya 27 Ukwakira 2024, ndetse abagenzi bafite itike ya nyuma yaho basabwe kwegera RwandAir ngo bafashwe.

Mu 2018 nibwo RwandAir yari yatangije ingendo zigana mu mujyi wa Cape Town muri Afurika y’Epfo, ariko indege yabanje kunyura i Harare muri Zimbabwe, ifata cyangwa isiga abagenzi.

Iki cyemezo gifashwe nyuma y’iminsi mike RwandAir ihagaritse ingendo yakoreraga mu Mujyi wa Mumbai mu Buhinde.