Umuhanzi Bruce Melodie ari mu bahanzi batanu bahataniye igihembo cy’umuhanzi mwiza w’umwaka wo muri Afurika y’Iburasirazuba (Best East African Artist) mu bihembo bya Headies bitangwa n’ikinyamakuru Hip Hop World Magazine cyo muri Nigeria.
Bruce Melodie ahanganye muri iki cyiciro n’abandi bahanzi aribo Abigail Chams na Harmonize bo muri Tanzania, Bien wo muri Kenya na Joshua Baraka wo muri Uganda.
Ibirori nyirizina byo gutanga ibi bihembo bizaba bitangwa ku nshuro ya 18 bizabera Toronto muri Canada, tariki 23 Ukwakira 2026.
Kuri uyu wa Kabiri tariki 25 Kanama 2026 nibwo hatangajwe abahanzi bahataniye ibihembo muri Headies Awards mu byiciro bitandukanye.
Ibihangano by’abahanzi byitaweho kugira ngo bashyirwe mu bahatanira ibi bihembo ni ibyo hagati ya tariki 1 Kanama 2024 na tariki 30 Mata 2026.
Mu bihembo bya The Headies biheruka, Juma Jux wo muri Tanzania niwe wegukanye igihembo cy’umuhanzi mwiza wo muri Afurika y’Iburasirazuba abikesha indirimbo ye “Enjoy” yakoranye na Diamond Platinumz bari banahanganye muri iki cyiciro.
Icyo gihe Bruce Melodie nawe yari mu bahanganye n’ubundi muri iki cyiciro abikesha indirimbo ye “When She’s Around” hamwe na Bien wo muri Kenya wahoza mu itsinda rya Sauti Sol na Azawi wo muri Uganda.
