Urwego rutegura Shampiyona y’Icyiciro cya Mbere mu Bagabo, Rwanda Premier League, rwatangaje ko inkunga izagenerwa amakipe azakina BK Pro League 2026/2027 izagera kuri miliyoni 31 Frw, ivuye kuri miliyoni 10 Frw isanzweho.
Byatangajwe mu butumwa bwashyizwe hanze na Rwanda Premier League kuri uyu wa 29 Kanama 2026.
Rwanda Premier League kandi yanemeje ko ikipe izajya itsinda umukino izajya ihabwa miliyoni 1 Frw.
Ibi kandi bitangajwe nyuma y’ibyemejwe na Shema Fabrice ubwo yiyamamarizaga kuyobora Ishyirahamwe rya Ruhago mu Rwanda (FERWAFA), aho yatangaje ko ikipe zegukana Igikombe cya Shampiyona mu Bagabo izahabwa miliyoni 80 Frw, iya kabiri 60 Frw, iya gatatu 40 Frw, iya kane 30 Frw, iya gatanu izahabwe 25 Frw, iya gatandatu 20 Frw, iya karindwi 15 Frw, mu gihe iya munani izabona miliyoni 10 Frw.
Biteganyijwe ko umwaka w’imikino wa 2026/27 uzatangira tariki ya 4 Nzeri 2026, ukazasozwa ku wa 30 Gicurasi 2027.
Kugeza ubu amakipe yose uko ari 16 yahawe uburenganzira bwo gukina Shampiyona y’Icyiciro cya Mbere mu Rwanda (BK Pro League 2026/27).
Amakipe azakina BK Pro League 2026/27 ni; APR FC, Rayon Sports FC, Police FC, Musanze FC, Marines FC, Etoile de l’Est FC, AS Kigali, Sunrise FC, Gicumbi FC, Mukura VS&L, Gorilla FC, Bugesera, Gasogi United, FC na Amagaju FC.
Haziyongeraho amakipe abiri yo muri Sudan; Al Merrikh na Al Hilal agiye gukina umwaka wa kabiri muri Shampiyona y’u Rwanda.
