Ikigo cy’igihugu gishinzwe ibarurishamibare NISR, cyatangaje ko muri Kanama 2026, ibiciro mu mijyi byiyongereyeho 15,7% ugereranyije na Kanama 2025. Muri Nyakanga 2026 byari byiyongereyeho 14,5%.
Imibare yashyizwe hanze na NISR, igaragaza ko muri Kanama 2026, ibiciro byiyongereye bitewe ahanini n’ibiciro by’ibiribwa n’ibinyobwa bidasembuye byiyongereyeho 16,3%.
Ibiciro by’amazu, amazi, amashanyarazi, gazi n’ibindi bicanwa byiyongereyeho 20,4%, ibiciro by’ibijyanye n’ubwikorezi byiyongereyeho 24,2% n’ibiciro by’amafunguro n’icumbi byiyongereyeho 15,6%.
Ugereranyije Kanama 2026 na Nyakanga 2026, ibiciro byiyongereyeho 1,8%. Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 3,7%.
Ugereranyije Kanama 2026 na Kanama 2025, ibiciro by’ibintu bitarimo ibiribwa n’ibikomoka ku ngufu byiyongereyeho 11,5%.
Ibiciro mu byaro
Muri Kanama 2026, ibiciro mu byaro byiyongereyeho 16% ugereranyije na Kanama 2025. Ibiciro mu kwezi kwa Nyakanga 2026 byari byiyongereyeho 13,3%.
Bimwe mu byatumye ibiciro byiyongera muri Kanama 2026 ni ibiciro by’ibiribwa n’ibinyobwa bidasembuye byiyongereyeho 16,8%, ibiciro by’ibinyobwa bisembuye n’itabi byiyongereyeho 7,5%, ibiciro by’amazu, amazi, amashanyarazi, gazi n’ibindi bicanwa byiyongereyeho 19,4%, ibiciro by’ibijyanye n’ubwikorezi byiyongereyeho 38,8%.
Ugereranyije Kanama 2026 na Kanama 2026, ibiciro byiyongereyeho 3,1%. Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 5%. 1.3.
Ibiciro bikomatanyirijwe hamwe (mu mijyi no mu byaro)
Muri Kanama 2026, ibiciro mu Rwanda byiyongereyeho 15,9% ugereranyije na Kanama 2025. Ibiciro mu kwezi kwa Nyakanga 2026 byari byiyongereyeho 13,8%.
Bimwe mu byatumye ibiciro byiyongera muri Kanama 2026 ni ibiciro by’ibiribwa n’ibinyobwa bidasembuye byiyongereyeho 16,7%, ibiciro by’ibinyobwa bisembuye n’itabi byiyongereyeho 8,2%, ibiciro by’amazu, amazi, amashanyarazi, gazi n’ibindi bicanwa byiyongereyeho 19,9%, ibiciro by’ibijyanye n’ubwikorezi byiyongereyeho 27,5% n’ibiciro by’amafunguro n’icumbi byiyongereyeho 13,7%.
Ugereranyije Kanama 2026 na Nyakanga 2026, ibiciro byiyongereyeho 2,6%. Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 4,6%.
