Ikipe ya Police ya volleyball y’abagore yatangaje ko yasinyishije Bidza Ekani Lucie Carole ukina yatakira inyuma (Opposite hitter) avuye mu ikipe ya Litto Team Volleyball y’iwabo muri Cameroon.
Carole yinjiye muri iyi kipe asanga yarasinyishije n’abandi bakinnyi babiri bashya aribo Uzamukunda Fillette ukina nka libero wavuye muri Kepler WVC n’umunya-Brazil Rosaly Galdino Pereira Egwuatu Chioma wavuye muri OK Mladost yo muri Macedonia y’Amajyaruguru.
Carole wamaze no kugera mu Rwanda, agiye mu ikipe ya Police WVC nk’inyongera nziza kuko nyuma y’uko Yankurije Francoise ayivuyemo akajya muri APR WVC yari itaragura undi mukinnyi ukina nka opposite hitter/right attacker.
Police WVC y’umutoza Hatumimana Christian ikomeje kwiyubaka mbere y’uko umwaka w’imikino wa 2026/27 utangira, ishaka uburyo yakwisubiza ikuzo yatakaje uyu mwaka w’imikino.
Police WVC yari ifite igikombe cya Shampiyona cya 2025, ntabwo uyu mwaka wigeze uyibera mwiza kuko yagarukiye muri 1/2 cy’imikino ya kamarampaka nyuma yo gutsindwa na Kepler WVC.
