Kuri uyu wa 18 Nzeri 2026 Perezida Kagame yayoboye Inama y’Abaminisitiri yafatiwemo ibyemezo birimo no gushyiraho abayobozi bashya mu nzego zinyuranye zirimo; mu Kigo cy’Igihugu gishinzwe ubuziranenge bw’Imiti n’Ibiribwa, Minisiteri y’Ubutabera, ndetse hemezwa politiki zitandukanye.
Itangazo ryashyizwe hanze n’Ibiro bya Minisitiri w’Intebe rigaragaza ko Inama y’Abaminisitiri yateraniye muri Village Urugwiro
Itangazo ry’Ibyemezo by’Inama y’Abaminisitiri
Ku wa Gatanu, tariki ya 18 Nzeri 2026, Inama y’Abaminisitiri yateraniye muri Village Urugwiro iyobowe na Nyakubahwa Perezida wa Repubulika y’u Rwanda, Kagame Paul.
Inama y’Abaminisitiri yemeje Politiki y’Ubufatanye mu Iterambere ry’u Rwanda 2026-2050, ishyiraho uburyo bushya bwo gukorana n’abafatanyabikorwa mu iterambere. lyi Politiki y’Ubufatanye ishingira ku bikorwa Igihugu cyihaye mu ntego zacyo hagamijwe kugera ku musaruro, kurushaho gukorera mu mucyo, kubazwa inshingano, no kunoza ihuzabikorwa.
Inama y’Abaminisitiri yemeje imishinga y’amategeko ikurikira:
Umushinga w’itegeko ryemera kwemeza burundu Amasezerano y’inguzanyo hagati ya Repubulika y’u Rwanda n’lkigega Mpuzamahanga Gitsura Amajyambere, yerekeye inguzanyo y’inyongera igenewe umushinga wo kwihutisha imikoreshereze y’ikoranabuhanga, yashyiriweho umukono i Kigali, ku wa 11 Nyakanga 2026.
Umushinga w’itegeko rigenga ibidukikije n’ihinduka ry’ibihe.
Umushinga w’itegeko rishyiraho Ikigega cy’lbidukikije n’lhinduka ry’lbihe mu Rwanda.
Inama y’Abaminisitiri yemeje politiki, ingamba na porogaramu zikurikira:
Politiki y’lgihugu yo Kurwanya Icuruzwa ry’Abantu, igamije gukumira icuruzwa ry’abantu, kurengera no gufasha abahohotewe kongera kwiyubaka no gusubira mu buzima busanzwe, gukurikirana abakoze icyaha, no gushimangira ubufatanye.
Itangwa ry’impushya zo gucukura amabuye y’agaciro na kariyeri.
Amasezerano y’ishoramari hagati ya Guverinoma y’u Rwanda na Chery Holding Rwanda Ltd agamije kubaka uruganda ruteranya imodoka zikoresha amashanyarazi mu Rwanda.
Amasezerano y’inyongera hagati ya Guverinoma y’u Rwanda na DP World Logistics Ltd yerekeye icyiciro cya kabiri cy’imirimo yo kubaka icyambu cy’ubucuruzi kidakora ku nyanja cya Kigali, no kwagura ibyumba bikonjesha mu cyambu cy’ubucuruzi kidakora ku nyanja cya Rubavu.
Inama y’Abaminisitiri yemeje Amateka akurikira:
Iteka rya Minisitiri ryerekeye gukoresha ibinyabuzima byo mu gasozi, impushya zijyanye n’urusobe rw’ibinyabuzima, gutwara ibinyabuzima ndangasano no kubona umutungo ndangakamere cyangwa ubumenyi gakondo bufitanye isano na wo.
Iteka rya Minisitiri rigena uburyo bw’ifatira, imicungire y’ibikanka n’iy’ibinyabuzima ndangasano byanyazwe.
Iteka rya Minisitiri rigena abagize Komite Ngishwanama mu bya Siyansi ku byerekeye urusobe rw’ibinyabuzima.
Inama y’Abaminisitiri yemeje abahagarariye ibihugu n’Imiryango Mpuzamahanga bakurikira:
Bwana Kornelios S. Korneliou, High Commissioner wa Repubulika ya Chypre mu Rwanda, afite icyicaro i Tel Aviv.
Bwana Som Visal, Ambasaderi w’Ubwami bwa Cambodge mu Rwanda, afite icyicaro i Cairo.
Bwana Ra Kapchae, Uhagarariye Ikigo cya Koreya y’Epfo gishinzwe Ubufatanye Mpuzamahanga (KOICA) mu Rwanda.
Madamu Prestage Murima, Uhagarariye Umuryango Mpuzamahanga ushinzwe Abimukira (IOM) mu Rwanda.
Inama y’Abaminisitiri yashyize mu myanya Abayobozi bakurikira:
Sena
Bwana Mushimire Olivier, Umunyamabanga Mukuru
Minisiteri y’Ubutabera (MINIJUST)
Madamu Umuzayire Burayobera Bibiane, Umunyamabanga Uhoraho
Bwana Rwagasana Jean Pierre, Umuyobozi Mukuru ushinzwe Imirimo Rusange
Ikigo gishinzwe Kugenzura Ibiribwa n’Imiti mu Rwanda (Rwanda FDA)
Prof. Muganga Raymond, Umuyobozi Mukuru
Dr. Munyampundu Jean Pierre, Umuyobozi Mukuru w’Ishami ry’lbiribwa
Dr. Kabandana Monia, Umuyobozi Mukuru w’lshami rya Serivisi za Laboratwari
Komisiyo y’u Rwanda ishinzwe Ivugururwa ry’Amategeko (RLRC)
Bwana Izere Parfait, Visi Perezida
Madamu Munezero Marie Jeanne, Komiseri
Bwana Ngirinshuti Samuel, Komiseri
Ikigo cy’lgihugu gishinzwe Igororamuco (NRS)
Bwana Munyaneza Charles, Umuyobozi Mukuru
Minisiteri y’Ubutegetsi bw’lgihugu (MINALOC)
Madamu Ingabire Chadia, Umuyobozi Mukuru ushinzwe Imirimo Rusange
Mu bindi
Minisitiri w’Imari n’Igenamigambi yamenyesheje Inama y’Abaminisitiri ko kuva ku itariki ya 22 kugeza ku ya 24 Nzeri 2026, i Kigali hazateranira Kongere ya 11 y’lhuriro ry’Abashakashatsi ku byerekeye Imisoro muri Afurika.
Minisitiri w’Ubucuruzi n’Inganda yamenyesheje Inama y’Abaminisitiri ibi bikurikira:
Ku itariki ya 25 Nzeri 2026, hazizihizwa Umunsi Mpuzamahanga w’Amakoperative.
Kuva ku itariki ya 30 Ukwakira kugeza ku ya 8 Ugushyingo 2026, i Kigali, hazabera Imurikagurisha rya 26 ry’lbigo Bito n’Ibiciriritse by’Umuryango wa Afurika y’lburasirazuba.
Minisitiri wa Siporo yamenyesheje Inama y’Abaminisitiri ko u Rwanda ruzitabira amarushanwa mpuzamahanga ya siporo atandatu akomeye ateganyijwe muri Nzeri 2026, harimo ay’umukino w’intoki wa Handball, Volleyball na Basketball; n’iry’umupira w’amaguru. Muri ayo marushanwa harimo ayo ku mugabane wa Afurika, imikino yo gushaka itike y’lgikombe cy’lsi, ndetse n’amarushanwa mpuzamahanga ahuza amakipe.
