Abasifuzi b’abanyarwandakazi, Umutoni Aline na Umutesi Alice, bahawe kuyobora umukino wa nyuma wa CAF Champions League y’Abagore ya 2026, uteganyijwe kuri iki Cyumweru, tariki ya 15 Ugushyingo 2026.
Uyu mukino uhuza Mamelodi Sundowns yo muri Afurika y’Epfo na AS FAR yo muri Maroc, urabera kuri Stade ya Suez Canal Authority iri mu Mujyi wa Ismailia mu Misiri, guhera Saa Moya z’umugoroba ku isaha y’i Kigali.
Muri uyu mukino, Umutoni Aline araba ari umusifuzi wo hagati, mu gihe Umutesi Alice aba ari umusifuzi wa mbere wo ku ruhande.
Izi mpanga zirafatanya n’Umunya-Mauritanie,Mariem Chedad uba ari umusifuzi wa kabiri wo ku ruhande, ndetse na Akissi Natacha Gérardine Konan wo muri Côte d’Ivoire, uba ari umusifuzi wa kane.
