Perezida w’Ishyirahamwe ry’Umupira w’Amaguru mu Rwanda (FERWAFA), yatangaje ko amakipe ya Kiyovu Sports na Police FC, ashobora kwiyongera kuri APR FC na Rayon Sports mu makipe yo mu Rwanda azakina CECAFA Kagame Cup 2026.
Yabitangarije mu Nama y’Inteko Rusange idasanzwe yateranye kuri iki Cyumweru tariki ya 31 Gicurasi 2026.
Iki gikombe kizakinirwa mu Rwanda kuva tariki ya 18 Nyakanga kugeza ku ya 9 Kanama 2026. U Rwanda ruzahagararirwa na APR FC na Rayon Sports, ari na yo makipe azaruhagararira mu mikino nyafurika, aho yasoje ari aya mbere ku rutonde rwa Shampiyona.
Gusa Perezida wa FERWAFA Shema Fabrice yatangaje ko bari gusaba ko hakongerwamo Kiyovu Sports na Police FC zaje zizigwa mu ntege, na zo zigakina iyi mikino.
Ati: “Turi gusaba ko Police FC na Kiyovu Sports zongerwamo.”
CECAFA Kagame Cup ni rimwe mu marushanwa ane ya CECAFA u Rwanda rwahawe kwakira muri uyu mwaka wa 2026.
Ureste iyi CECAFA Kagame Cup, u Rwanda ruzakira Imikino y’amashuri (African Schools Football Championship (CECAFA Zone) izaba kuva tariki ya 22-25 Nyakanga 2026, n’imikino yo gushaka itike ya CAF Champions League y’abagore (CAF Women’s Champions League CECAFA Zonal Qualifiers), izaba kuva tariki 22 Kanama- 06 Nzeli 2026.
Ruzakira kandi imikino yo gushaka itike y’igikombe cy’Afurika cy’abatarengeje imyaka 17 mu ngimbi (AFCON U-17 CECAFA Zonal Qualifiers.),izaba kuva tariki ya10-25 Ukwakira 2026.
Imikino ya CECAFA yaherukaga kubera mu Rwanda mu 2020.
