U Rwanda ruzakira amarushanwa 4 muri 6 ateganyijwe ku ngengabihe y’ibikorwa bya CECAFA mu mwaka wa 2026. Muri ayo harimo n’irushanwa rikomeye rya CECAFA Kagame Cup, rizaba kuva ku wa 18 Nyakanga kugeza ku wa 9 Kanama 2026.
Andi marushanwa azabera mu Rwanda ni Imikino y’amashuri (African Schools Football Championship (CECAFA Zone) izabaa kuva tariki ya 22-25 Nyakanga 2026, imikino yo gushaka itike ya CAF Champions League y’abagore (CAF Women’s Champions League CECAFA Zonal Qualifiers), izaba kuva tariki 22 Kanama- 06 Nzeli 2026.
Hari Kandi Imikino yo gushaka itike y’igikombe cy’Afurika cy’abatarengeje imyaka 17 mu ngimbi (AFCON U-17 CECAFA Zonal Qualifiers.),izaba kuva tariki ya10-25 Ukwakira 2026.
Ibi bije nyuma y’uko ishyirahamwe ry’umupira w’amaguru ku Isi (FIFA) ryemeje u Rwanda mu bihugu bizakira imikino ya FIFA Series 2026 ihuza amakipe y’ibihugu yo ku migabane atandukanye ku Isi, iteganyijwe muri Werurwe 2026.
Ibi bituma u Rwanda rukomeza kugaragara nk’igihugu gifite ubushobozi bwo kwakira amarushanwa akomeye y’umupira w’amaguru mu karere ka Afurika y’Iburasirazuba, iyo Hagati n’indi Mpuzamahanga.
Imikino ya CECAFA yaherukaga kubera mu Rwanda mu 2020. Icyo gihe, Ikipe y’u Rwanda y’abangavu (U17), yasezerewe mu matsinda mu gikombe cya CECAFA y’abangavu nyuma yo kunanirwa gutsinda umukino n’umwe mu rugo.
Iyo kipe yatozwaga na Yves Rwasamanzi, ntiyabashije kubona itike yo kwerekeza mu gikombe cya Afurika (AFCON U17) cyari gateganyijwe mu 2021.
