Umunyabigwi mu mupira w’amaguru, Kalusha Bwalya, wagize amahirwe yo kurokoka impanuka y’indege yahitanye bagenzi be bose bakinanaga mu Ikipe y’Igihugu ya Zambia, yagarutse ku buryo ibyabaye byamuviriyemo kugera ku ntego y’Ubuzima bwe.
Iyi mpanuka yabaye tariki ya 27 Mata 1993. Ubwo Chipolopolo yafashe indege yari isanzwe ikoreshwa n’ingabo z’igihugu, yerekeza i Dakar aho yagombaga gukinira umukino wa mbere wari kuyihuza na Sénégal.
Iyi ndege yari shaje aho yagombaga kugenda ihagarara kugirango inywe amavuta no kugirango Moteri ikonje babone kogera gufata urugendo.
Ubwo bari bageze i Gabon aho barikunywesha amavuta byabaye ngobwa ko bahaguruka huti huti indege itara konja, ari nabwo basigaga bagenzi babo 2, Kalusha Bwalya wakiniraga PSV Eindhoven yo mu Buholandi na Charles Musonda wakiniraga Anderlecht, kubera ko amakipe yabo yari yanze kubaha uruhushya kuko barimo babafasha muri shampiyona.
Indege imaze guhaguruka bageze hejuru yinyanja ya Atlantique nko muri metero 500 uvuye ku nkombe zayo, ihita ihanuka igwamo. Abari barimo bose bitaba Imana.
Ubwo yari mu nama yiga ku kubyaza umusaruro amahirwe ari muri siporo, iri kubera mu Rwanda muri Kigali Convention Centre, ‘SportsBiz Africa Forum 2024’, Kalusha yagaragaje ko ibyabaye icyo gihe atazabyibagirwa ariko byanatumye bagera ku ntego.
Yavuze ko icyo gihe yabwiye Ishyirahamwe rya Ruhago muri Zambia ko nta yandi mahitamo ahari ahubwo abasigaye batagomba kwiheba ngo ubuzima buhagarare, ahubwo bagomba kwitabaza abandi bakinnyi vuba kandi bakajya guhatana.
Icyo gihe barahatanye kandi bagira amanota meza baza ku mwanya wa kabiri nyuma ya Maroc yahagarariye itsinda barimo ikajya mu Gikombe cy’Isi.
Nyuma Kalusha yaje guhagarika gukina asubira Zambia aba Perezida w’Ishyirahamwe rya Ruhago. Nyuma y’imyaka 10 ibi byago bibaye ikipe y’igihugu yegukanye Igikombe cya Afurika mu 2012.
