Abakinnyi b’ikipe y’u Rwanda ya Handball y’abatarengeje imyaka 18 n’abatarengeje imyaka 20 berekeje i Addis Ababa muri Ethiopia aho bitabiriye irushanwa rya IHFTrophy/Zone 5.
Iyi kipe y’u Rwanda muri Handball yahagurutse ku kibuga mpuzamahanga cya Kigali giherereye i Kanombe, ku Cyumweru, tariki ya 3 Gicurasi 2026.
Bitabiriye iri rushanwa rizahuriramo ibihugu bigize akarere ka gatanu k’imikino muri Afurika.
Muri aya marushanwa atangira kuri uyu wa Mbere, tariki ya 4 Gicurasi 2026, ikipe y’u Rwanda y’abatarengeje imyaka 18 iri mu Itsinda A, aho iri kumwe na Kenya, Tanzania na Djibouti.
Ni mu gihe ikipe y’abatarengeje imyaka 20 iri mu Itsinda B, aho izahura na Ethiopia, Tanzania na Djibouti.
Ikipe y’abatarengeje imyaka 20 iyobowe n’umutoza Ntabanganyimana Antoine, wungirijwe na Mudaharishema Sylvestre.
Ku ruhande rw’ikipe y’abatarengeje imyaka 18, ifite umutoza Bagirishya Anaclet ufatanya na Murwanashyaka Emmanuel.
