Ku wa 4 Ukuboza 2024, Minisitiri w’ubuhinzi n’ubworozi Musafiri Ildefonse yifatanyije n’abahinzi bo mu murenge wa Simbi gutangiza k’umugaragaro igihembwe cy’ihinga cya 2025A.
Iki gikorwa cyitabiriwe n’abahagarariye Ikigo cy’Igihugu Gishinzwe Iterambere ry’Ubuhinzi n’Ubworozi mu Rwanda, Ubuyobozi bw’Akarere ka Huye, inzego z’umutekano n’abandi bafatanyabikorwa mu buhinzi.
Mu gutangiza iki gihembwe cy’ihinga hatewe ibigori ku buso bungana na hegitare 25 buherereye mu murenge wa Simbi, akagali ka kabusanze, umudugudu wa ntombwe.
Minisitiri Musafiri mu butumwa bwe yashishikarije abahinzi guhinga vuba no guhinga ibihingwa byera vuba nk’imboga ndetse bagakora ubuhinzi bwiza butangiza ibidukikije.
Iki gikorwa mu karere ka Huye cyabaye gikurikira itangizwa ry’igihembwe cy’ihinga 2025A mu karere Ka Muhanga, aho Minisitiri yari yasabye abahinzi kwihaza mu biribwa ndetse bagasagurira amasoko.
