Jean Bosco Ntibitura yagizwe Guverineri w’Intara y’Iburengerazuba asimbuye Dushimimana Lambert wari umaze amezi agera kuri cumi n’ane ayobora iyi Ntara.
Itangazo riturutse mu biro bya Minisitiri w’Intebe, ku mugoroba wo kuri uyu wa 23 Ugushyingo 2024 rigira riti: “Ashingiye ku biteganywa n’itegeko No. 14/2013 ryo ku wa 25/03/2013, rigena imitunganyirize n’imikorere by’Intara, cyane cyane mu ngingo yaryo ya 9, none ku wa 23 Ugushyingo 2024, Nyakubahwa Perezida wa Repubulika y’u RwaNda yagize bwana Jean Bosco Ntibitura, Guverineri w’Intara y’Iburengerazuba.”
Ntibitura yari asanzwe ari Umuyobozi Mukuru ushinzwe umutekano w’imbere mu Gihugu mu Rwego rw’Igihugu rushinzwe Ubutasi n’Umutekano (NISS).
