Kuri uyu wa Gatatu minisitiri w’ububanyi n’amahanga n’ubutwererane Amb. Olivier Nduhungirehe yifatanyije n’abanya-Suède baba mu Rwanda kwizihiza umunsi w’ubwigenge bw’iki gihugu uzwi nka National Day.
Amb. Nduhungirehe yashimye umubano mwiza umaze igihe kirekire hagati y’iki gihugu n’u Rwanda.
Ubusanzwe uyu munsi ngarukamwaka wizihizwa ku wa 6 Kamena, wibukwaho iyimikwa ry’Umwami Gustav Vasa mu 1523 n’ishyirwaho ry’Itegeko Nshinga mu 1809, ibihe bifatwa nk’intangiriro y’ubwigenge bwuzuye bwa Suède.
Ubufatanye bw’u Rwanda na Suwede bumaze gushinga imizi by’umwihariko mu bijyanye na gahunda z’iterambere. Mu ntangiriro z’umwaka wa 2020, Guverinoma ya Suwede yanzuye gutangiza gahunda nshya y’ubutwererane n’u Rwanda mu iterambere yongera ingano y’umusanzu itanga ku kigero cya 40%.
U Rwanda na Suede bisanganywe umubano uri mu nkingi zitandukanye,zirimo ubushakashatsi, ubutwererane mu iterambere bwibanda ku guhangana n’imihindagurikire y’ikirere no kubungabunga ibidukikije, kubaka iterambere ry’ubukungu ritagira uwo risigaza ndetse no guha agaciro ihame ry’uburinganire
