Uwari Umuyobozi w’Akarere ka Rusizi, Anicet Kibiriga yeguye ku mirimo ye yo kuyobora aka Karere kuri uyu wa Gatandatu tariki ya 23 Ugushyingo 2024.
Si Dr. Kibiriga wenyine weguye muri aka Karere ka Rusizi, amakuru agera ku Umunota aravuga ko Kibiriga yeguriye rimwe na Dukuzumuremyi Anne wari Umuyobozi w’Akarere wungirije ushinzwe imibereho myiza y’abaturage ndetse n’umujyanama umwe mu Nama Njyanama y’Akarere.
Inama Njyanama y’Akarere ka Rusizi yakiriye ubwegure bwa Dr Kibiriga Anicet wari Umuyobozi w’Akarere, Dukuzumuremyi Anne Marie wari Umuyobozi w’Akarere wungirije ushinzwe imibereho myiza y’abaturage na Niyonsaba Marie Jeanne.
Nyuma yo kwegura kwabo, Habimana Alfred wari usanzwe ari Umuyobozi w’Akarere wungirije ushinzwe ubukungu kuba umuyobozi w’Akarere by’agateganyo naho Uwimana Monique wari Umwanditsi w’Inama Njyanama abe Umuyobozi w’Akarere wungirije ushinzwe imibereho myiza y’abaturage by’agateganyo.
