Minisitiri w’Ububanyi n’Amahanga n’Ubutwererane, Amb Olivier Nduhungirehe yifashishije urubuga rwa Instagram, yagaragaje ko mu mwaka wa 2024 yumvise indirimbo z’abahanzi 1,554, bayobowe n’umuhanzikazi Spice Diana yumvise iminota 1,226.
Minisitiri Nduhungirehe agaragaza ko muri uyu mwaka, ku rubuga rucuruza indirimbo rwa Spotify, yahumvise indirimbo 5,722, mu gihe kingana n’iminota 49,574.
Mu ndirimbo eshanu yumvise cyane iza ku mwanya wa mbere ni ‘Chekecheke’ yakozwe na Karole Kasita, Vinka, na Winnie Nwagi, yayumvise inshuro 46.
Izindi yumvise cyane ni ‘Kapeesa’ ya Lydia Jazmine, ‘Siri Regular’ na ‘Ndi Mu Love’ z’umuhanzikazi Spice Diana, ukomoka muri Uganda, ndetse na ‘Mama Loda’ ya Calvin Mbanda na Kenny Sol.
Abahanzi batanu Minisitiri Nduhungirehe yumviye cyane muri uyu mwaka ni Spice Diana, Aya Nakamura, Juma Jux, Vinka na Sheebah.
