Umunyezamu w’Umunyarwanda Muhawenayo Gad yamaze kumvikana n’ikipe ya Kuching City ikina icyiciro cya mbere muri Malaysia nyuma yo gutandukana na Marines FC yari yarasinyiye atayikiniye umukino n’umwe.
Muhawenayo azafata rutemikirere imwerekeza muri Malaysia ku Cyumweru tariki 9 Kanama 2026, ajye gutangira akazi mu ikipe nshya.
Muhawenayo yamenyekanye cyane ubwo yari mu ikipe ya Musanze FC ndetse yahamagawe mu ikipe y’Igihugu y’u Rwanda inshuro zitandukanye.
Yavuye muri Musanze FC yerekeza muri Gorilla FC mu mpeshyi ya 2024 mbere y’uko atandukana n’iyi kipe mu mpeshyi y’uyu mwaka.
Nyuma yo gutanduakana na Gorilla FC, Muhawenayo yakoreraga imyitozo muri Marine FC ndetse nyuma inamutangaza nk’umukinnyi wayo mushya mbere y’uko impande zombi zigirana ibiganiro zigatandukana ku bwumvikane.
Muri Shampiyona ya 2025/26, Muhawenayo yakiniye Gorilla FC imikino 16, aho 6 muri yo yayirangije atinjijwe igitego.
Ikipe ya Kuching City FC Muhawenayo yerekejemo yashinzwe muri 2015, izamuka mu cyiciro cya mbere muri Malaysia muri 2023.
Muri Shampiyona y’umwaka ushize wa 2025/26, iyi kipe yasoreje ku mwanya wa kabiri mu makipe 13 inyuma ya Johor Darul Ta’zim yegukanye igikombe.
