Ikipe ya Al Hilal SC Omdurman yo muri Sudani yatangaje umutoza w’Umudage Dragan Paljić nk’umutoza wayo wungirije mushya.
Dragan Paljić azaba umutoza wungirije w’umutoza mukuru mushya w’iyi kipe Josef Zinnbauer nawe w’Umudage wamaze no kugera i Kigali aho iyi kipe yo muri Sudani isigaye ibarizwa.
Dragan Paljić ni umutoza w’imyaka 43 y’amavuko wari usanzwe ari umutoza wungirije n’ubundi wa Josef Zinnbauer mu ikipe ya JS Kabylie yo muri Algeria bivuze ko aba bombi atari ubwa mbere bagiye gukorana.
Aba batoza bombi banakoranye mu ikipe ya Al Wehda yo muri Saudi Arabia bivuze ko ari abatoza basanzwe baziranye.
Al Hilal SC yo muri Sudani ni ikipe biteganyijwe ko izongera igakina Shampiyona y’u Rwanda, BK Pro League, nk’uko n’umwaka ushize yayikinnye ndetse ikayegukana.
Al Hilal SC izanahagararira Sudani mu mikino ya CAF Champions League aho mu ijonjora rya mbere izahura n’ikipe ya Aigle Noir FC yo mu Burundi.
Mu ijonjora rya kabiri, ikipe izakomeza hagati y’izi zombi izahura n’ikipe izaba yakomeje hagati Aiglons FC N’Djamena yo muri Chad na Heegan FC yo muri Somalia .
