Kuri uyu wa gatatu, imikino yo kwishyura ya Shampiyona ya Basketball y’icyiciro cya mbere mu bagabo iratangira, aho Espoir irakina na REG ku isaha ya 18:00 z’umugoroba naho APR igakina na UGB ku isaha ya 20:00 z’ijoro.
Iyi mikino irabera muri Petit Stade i Remera, kuri uyu wa gatatu, tariki ya 19 Werurwe 2025.
Mu cyiciro cya mbere APR yasoje iyoboye urutonde rwa Shampiyona n’amanota 16, ikurikirwa na REG ifite amanota 13, na Patriots ifite amanota 12.
Ikipe ya UGB yari ku mwanya wa kane n’amanota 11, naho Espoir iri ku mwanya wa munani n’amanota icyenda.
Mu mukino usoza icyiciro cya mbere, wabaye ku Cyumweru wahuje APR BBC na Patriots BBC warangiye APR BBC itsinze Patriots BBC amanota 68-67.
Kwinjira muri uyu mukino ni amafaranga ibihumbi 3,000 ni bihumbi 5,000 Frw, ushobora kubona itike unyuze kuri http://ticqet.rw/ .
Iyi mikino kandi ushobora kuyikurikirana imbonankubone ku rubuga rwa www.irebero.com. Sura uru rubuga wiyandikishe ukoresheje (nimero cyangwa email), wishyura 3000 Frw kuri buri mukino, ku bari mu Rwanda, n’amadorali atatu (3$) ku bari hanze y’u Rwanda, uryoherwe n’iyi mikino.
