Ikipe ya Rayon Sports WFC yegukanye Igikombe cya Shampiyona y’Abagore itsinze ikipe Inyemera WFC ibitego 2-1.
Uyu mukino wabaye ku wa gatandatu, tariki ya 22 Werurwe 2025, wasize Rayon Sports y’abagore ifite amanota 53 irusha Indahangarwa WFC bikurikiranye amanota icyenda.
Ni Shampiyona ya kabiri yikurikiranye Rayons Sports WFC yegukanye, ndetse iri kwitegura gukina CECAFA izayerekeza muri Shampiyona yo ku rwego rwa Afurika.
Ni inshuro ya kabiri Rayons Sports WFC izaba igiye guserukira u Rwanda nyuma y’uko ubushize iviriyemo mu majonjora ya CECAFA.
Umutoza wa Rayon Sports WFC, Rwaka Claude yabwiye itangazamakuru ko yishimiye itsinzi y’ikipe ye ndetse biteguye ndetse bafashe ingamba zizabafasha guserukira u Rwanda muri Champions League.
