Abasifuzi b’abanyarwanda Gad Imanimbahafi na Jean Jacques Tuyizere bashyizwe mu basifuzi bazayobora imikino y’igikombe cy’isi cya handabll cy’abangavu batarengeje imyaka 16, 2026 IHF Women’s U16 World Championship.
Aba basifuzi bombi basanzwe basifura Shampiyona y’u Rwanda ya handball.
Iki gikombe cy’isi kizabera mu Mujyi wa Agadri muri Maroc kuva tariki 16 kugeza tariki 24 Ukwakira 2026.
Iki gikombe kizitabirwa n’amakipe 12 aturutse ku migabane 4 itandukanye irimo Afurika, u Burayi, Aziya, Amerika yo Hepfo niyo Hagati na Amerika ya Ruguru n’ibirwa bya Karayibe (Caraïbes).
Muri iki gikombe Afurika izahagararirwa na Maroc izakira iyi mikino hamwe na Misiri na Guinea.
