Dr Nsabi na Killaman bafite izina rikomeye mu rwenya mu Rwanda, bageze kuri 'stage'.
Dr Nsabi atangiye asa n'uri mu cyumba, ahamagara inkumi yigurisha ngo ize kumuraza, nuko Killaman ariwe Sebuja yinjira mu Cyumba cye, amubaza impamvu atararyama.
Ati" Usanze ndi gusenga iryanyuma ngo ndyame."
Umwari yarahamagaye amugezeho undi ati "Kigali yarahindutse, ni wowe usigaye wigurisha."
Ni abahanga koko!
Mu rwenya rwabo baboneyeho no gutanga ubutumwa bwo kwibuka gukoresha agakingirizo, mu rwego rwo kwirinda indwara zandurira mu mibonano mpuzabitsinda.
Kera kabaye Killaman agarutse mu cyumba cya Nsabi amusaba ko bararana kubera ko afitanye ibibazo n'umugore, undi atangira guhimba impamvu zamubuza kuharara, kubera ko yahishe ya nkumi mu mashuka.
Ati" Hano hari inzoka karundura banyoherereje mu muryango."
Undi yaje kwegura ishuka, abonamo ya nkumi, ati "Ko inzoga ziwanyu ko ziteye neza."
Dr. Nsabi na Killam bashoje urwenya rwabo uwari Shebuje amwishyuriye ya nkumi yari yazanye kuraran.
Aba banyarwenya bashoje igitaramo beretswe urukundo rudasanzwe.
Umunyarwenya Kadudu waserutse mu mwambaro w'umweru hose asekeje abitabiriye Gen-Z Comedy, ndetse atumira ku rubyiniro umuririmbyikazi Divine bafatanya kubyina indirimbo 'Flex' y'umuhanzi wo muri Nigeria, Kizz Daniel.
Yakurikiwe na Rumi washimiye Fally Merci wateje imbere impano z'abanyarwenya bose bo muri Gen-Z Comedy.
Yavuze inkuru y'uburyo aherutse guterwa n'abajura bagasanga nta kintu kiri munzu, basiga bamubwiye bati "Situkubwiye ngo wibe ariko uzashake icyo ukora."
Pirate nawe ageze kuri 'stage', asanze imbaga yishimye nawe akomeza kubaha ibyishimo.
Uyu munyarwenya yahamirije abitabiriye iri seka rusange ko ari umuhanga koko. buri jambo avuze riri gusetsa abateraniye muri Camp Kigali.
Pirate yavuze ku nkuru z'abana bo mu byaro, aho batandukanira n'abana bo mu mijyi.
Yasoreje ku nkuru ya Papa we bigeze gusindisha kugirango avugishe ukuri.
Yanahamagaje bamwe mu byamamare byitabiriye Gen-Z kuza kuri 'stage', abantu barushaho kuryoherwa.
Umuvugizi w'Umujyi wa Kigali, Emma Claudine yasabye abanya-Kigali kuzitabira ku bwinshi kureba amagare bakakirana urugwiro abakinnyi mpuzamahanga bazaba bitabiriye iri rushanwa rizaba ribereye ku Mugabane wa Afurika ku nshuro ya mbere.
Yavuze ko hari umunsi uryoshye w'urubyiruko wiswe 'Social Light' aho urubyiruko rwemerewe kuzana amagare bafite mu rugo bakishima n'abakinnyi b'amagare mpuzamahanga.
Yongeyeho ko ingendo zitabujijwe, abantu bazakomeza gahunda zabo bakoresheje inzira zagenwe.
Umuyobozi wa Ferwacy nawe yongeye kwibutsa abatuye i Kigali kuzitabira gufana amagare, abibutsa ko hari Fan Zone zirimo ibiryo n'ibinyobwa abasaba kuzitabira bakaryoherwa na Shampiyona y'Isi y'amagare.
Nyuma y'ijambo ry'Umujyi wa Kigali na Ferwacy hakiriwe umuhanzi waririmbye indirimo yo kwitegura iyi Shampiyona y'Isi bise 'Amagare'.
Umunyarwenya Dudu yashimishije imbaga ateraniye muri Camp Kigali, ndetse by'umwihariko avuga ko yakuze afana cyane umukinnyi wa filime, Mazimpaka Kennedy yahise anaka ifoto y'urwibutso.
Uyu munyarwenya yakurikiwe n'itsinda ry'ababyinnyi rya African Mirrors, ryashinzwe n'umubyinnyi wizina rikomeye mu Rwanda, Titi Brown.
Iri tsinda ryerekanye impano idasanzwe, ndetse ryishimiwe cyane n'abitabiriye Gen-Z Comedy.
Mazimpaka Jones Kennedy yamamaye mu ruganda rwa sinema asobanura filime nka Master JK ndetse ni umukinnyi wazo n’uziyobora. Yivuga nk’umuntu w’impano nyinshi, cyane ko yabaye MC, uvanga imiziki aba bazwi nka DJ n’umukinnyi w’umupira w’amaguru.
Yatangiye asobanura aho izina rya Master JK ryavuye, ndetse avuga ko filime ya mbere yayikinnye mu 1998, ariko atangira gukina filime kinyamwuga ku myaka 12.
Uyu mukinnyi wa filime yavuze ko gukina filime byatunga umuntu, akomeza asobanura uburyo ahuza gukina filime no kuba umuvugabutumwa.
Ati" Byose bifite aho bihurira."
Yasobanuye uburyo abakinnyi ba filime bamenya ko bafite impano zo kuba bakina, ati" Ntabwo umuntu ariwe umenya ko afite impano, abandi nibo babimubwira."
Yavuze ku buryo bwo guhirwa no gukina filime, avuga ko umukinnyi akenera amahirwe ndetse no kwitwara neza kugirango atere imbere.
Yagiriye inama ababyeyi badashyigikira impano z'abana babo, ati "Muri iki kinyejana ntabwo umubyeyi yakabaye ategeka umwana ati ugomba gukora A,B,C."
Yakomeje avuga igihe yamenyeye ko abana be ari abanyempano, ahereye ku munyarwenya Arthur Nkusi, ati" Yatangiye gukina ku myaka itandatu, twese twatangiye gukina turi bato, dufite amateka duhuriyeho."
Yavuze ko Arthur akina ikinamico bwa mbere bamuhembye igikombe cy'icyayi, bisa nawe ubwo yakinaga bwa mbere aho yigaga mu mashuri bakamuhemba ubuyiko 12 by'ubunyobwa.
Yasobanuye zimwe mu mbogamizi bahuye nazo ubwo batangiraga gukina filime, zirimo kubura ibikoresho, bitandukanye n'uyu munsi abakina filime bashyize imbere amafaranga kurusha gukora ibyo bakunda.
Yashoje agira inama urubyiruko rwifuza kuzakina filime, ati "Icyambere banza ujye ku byiga, impano gusa ntabwo ihagije, banza ujye kukiga", ndetse asobanura byinshi ku bijyanye no gukina filime, agaragaza ko filime nyinshi zitakigira abazikurikirana.
Yavuze ko bari gutegura Festival izamara iminsi itatu, izabera mu mujyi wa Kigali, ararikira abantu kuzayitabira.
Uyu munyarwenya w'umukobwa yinjiriye mu ndirimbo y'Imana, asobanuye impamvu yari amaze igihe atitabira Gen-Z Comedy.
Ati" Nakoze fosete haza amabinga, nkora amataye haza impfundiko, none nagiye kuzana inyinya, ariko yaje mu ijigo."
Uyu mukobwa akurikiwe na Lucky Baby ukunzwe cyane muri Gen-Z Comedy, yinjiriye mu ndirimbo 'Bye bye Ingona'.
Luck Baby yiganye abanyarwenya batandukanya ba Gen-Z, iyo bari kwishyuza Fally Merci
Uyu munyarwenya yashimiye Fally Merci ndetse amuhereza impano, aho yamuteyeho urwenya, ubwo yari yitabiriye isabukuru ye y'imyaka 33
Ati " Ikintu nshimira Imana ni uko atakigaburirwa n'iwabo."
Uyu musore yakurikiwe na Cardinal, umaze kumenyerwa muri Gen-Z Comedy, ndetse ukunzwe n'abatari bake.
Yateye inkuru y'uburyo yahuye n'umuntu hanze ya Gen-Z akamubaza umutumirwa w'umunsi muri iri seka rusange, yamubwira akumva atamuzi, maze amusobanurira ko ari Se w'umunyarwenya Arthur Nkusi n'umuhanzi Sintex.
Yahise amubaza ati "Nyuma yo kuba Se wa Arthur na Sintex, ikindi akora n'iki"
Yahise amusubiza ati " Ni na Sogokuru w'abana Arthur na Sintex bazabyara."
Cardinal yahamagaye umunyamideli Franco Kabano kuri 'stage' maze asaba imbaga y'abantu kumuririmbira kuko yagize isabukuru y'amavuko.
Uyu munyarwenya yinjiriye ku nkuru z'uburyo yaguze Bibiliya Nyabugogo agasangamo 'Inkuru ya Joriji Baneti'
Ati" Nahise mbona i Kigali atari i Kigoma"
Yasekeje abantu uburyo yagige gusura abantu akahasanga umwana uri gukinisha icyuma, n'uko ababyeyi b'uwo mwana bakamubwira bati "Mureke akigutere atarira."
Yakurikiwe n'umunyarwenya Ndegeya ukomoka i Burundu, aho yinjiye anyuka umuziki.
Yavuze ku nkuru zitandukanye, agaruka ku ndege ivura amaso iherutswe kuzanwa mu Rwanda.
Uyu munyarwenya yatanze asize imbaga yishimye, ndetse ntitwareka kuvuga ko agaruye ubushyuhe mu bitabirye Gen-Z Comedy
Fally Merci ari nawe utegura Gen-Z Comedy ageze ku 'stage', yakira umunyarwenya Masamba
Masamba niwe munyarwenya ugeze kuri 'stage' bwa mbere, atangiye avuga inkuru z'abatubuzi.
Yavuze ku nkuru y'uburyo aherutse kurota Bijiyobija ahamagara kuri Kiss FM.
Igitaramo cya Gen-Z Comedy kimaze kwigarurira imitima y’Abanya-Kigali.
Abanya-Kigali bingeri zitandukanye bamaze kugera muri Camp Kigali, ahagiye kubera igitaramo cya Gen-Z Comedy, kibinjiza muri Nzeri 2025.
