BK PRO League Awards 2026: Gutanga ibihembo ku bakinnyi n’abatoza bitwaye neza muri BK Pro League 2025/26

Mu myambaro myiza, abakinnyi barimo abahatanira ibihembo n'abandi bitabiriye, bageze ahabera ibirori bya BK Pro League Awards 2026.

Barimo Djribril Ouattara wa APR FC , Mbonyumami Taiba wa Marines FC, Nsabimana Eric Zidane wa Police FC, William Togui Mel wa APR FC , Tambwe Gloire wa Rayon Sports, Issah Yakoubu wa Gorilla FC na Emmanuel Flomo wa Al Hilal SC.

Umuyobozi wa Rwanda Premier League, Hadji Yussuf Mudaheranwa ari kumwe na Maj Gen Alex Kagame ndetse na Perezida wa Rayon Sports FC, Murenzi Abdallah bari mu bitabiriye ibirori bya BK Pro League Awards 2026

Abantu mu ngeri zitandukanye barimo abakinnyi, abatoza, abayobozi b'amakipe n'abandi bari mu nzego zitandukanye zifite aho zihuriye n'umupira w'amaguru bamaze kugera kuri Kigali Marriot Hotel, ahabera ibirori byo guhemba abitwaye neza muri BK Pro League 2025/26.

abakinnyi batatu bageze mu cyiciro cya nyuma mu guhatanira Igihembo cy'Umukinnyi witwaye neza mu bakiri bato muri BK Pro League (Best Young Player of The Season) 2025/26.

Abo ni Bahati Clement wa Gicumbi FC, Emmanuel Flomo na Adama Coulibaly ba Al Hilal Omdourman

Abanyezamu Niyongira Patient wa Police FC, Ibrahima Dauda Bareli wa Bugesera FC na James Desire wa Kiyovu Sports ni bo bageze mu cyiciro cya nyuma mu guhatanira igihembo cy'Umuzamu mwiza (Best Goal Keeper of the Season) muri BK Pro League 2025/26.

Ni ibitego birimo icyo Joseph Sackey wa Mukura VS&L yatsinze Musanze FC, icyo Rutonesha Hersbone wa Gorilla FC yatsinze El Merreikh SC ndetse n'icyo Ngono Guy Herve wa Gasogi United yatsinze Etincelles FC