Ikipe ya APR FC yatsinze Gicumbi FC ibitego 2-0 mu mukino wa nyuma wa shampiyona y’u Rwanda (BK Pro league 2026), iyi kipe y’Ingabo z’Igihugu ishyikirizwa igikombe nyuma yo kwegukana iyi shampiyona ihize amakipe y’imbere mu gihugu.
Uyu mukino wabereye kuri Kigali Pelé Stadium kuri iki Cyumweru tariki 31 Gicurasi 2026.
Ibitego byatsinzwe na William Mel Togui ndetse na Djibril Ouattara. Uyu musore ukomoka muri Burkina Faso ni we wabaye umukinnyi mwiza w’uyu mukino ndetse akaba anasoje shampiyona ayoboye ba rutahizamu n’ibitego 18.
Ikipe ya APR FC igiye gushyikirizwa igikombe cya shampiyona yegukanye ku nshuro ya 7 yikurikiranya, cyikaba icya 24 mu ateka yayo ndetse n’icya gatatu muri uyu mwaka wa 2026.
