Itsinda ry’intumwa za Guverinoma y’u Rwanda riyobowe na Minisitiri w’Umutekano, Dr. Vincent Biruta ryagiriye urugendo rw’akazi mu Misiri.
Kuri uyu wa Mbere tariki ya 16 Gashyantare 2026, ari nawe munsi wa mbere w’uru rugendo, basuye inzego zitandukanye z’umutekano n’uburyo zishyira mu bikorwa amategeko ziri mu nshingano za Minisiteri y’umutekano w’iki gihugu zirimo izishinzwe umutekano rusange w’abaturage, n’ikigo cy’Igihugu gishinzwe kurinda Abayobozi bakuru .
Ibiganiro byibanze ku kurushaho gushimangira umubano mwiza usanzwe hagati y’u Rwanda n’u Misiri, cyane cyane mu bijyanye n’ubufatanye mu bya gisirikare n’umutekano.
U Rwanda na Misiri bafitanye umubano ukomeye mu bya gisirikare n’umutekano, binyuze mu masezerano y’ubufatanye akunze kuvugururwa, guhanahana ubumenyi, no kwigisha abofisiye.
Ibi byashimangiwe no gusinya amasezerano y’ubufatanye hagati y’abagaba bakuru b’ingabo z’ibihugu byombi muri Kamena na Ukuboza 2025, hagamijwe kongera imbaraga mu mutekano no gutumanaho.
Mu mwaka ushize, Umugaba Mukuru w’Ingabo z’u Rwanda (RDF), Gen Mubarakh Muganga, na mugenzi we wo mu Misiri, Lt Gen Ahmed Fathi Ibrahim Khalifa, basinyanye amasezerano y’ubufatanye mu bya gisirikare ashimangira iterambere ry’ingabo zombi.
Misiri ifasha u Rwanda mu kubaka ubushobozi bw’abasirikare bakuru, aho abofisiye b’u Rwanda bagiye bahabwa amasomo muri Nser Higher Military Academy
