Inzego z’umutekano z’u Rwanda ziri mu butumwa bw’amahoro i Cabo Delgado muri Mozambique, zifatanyije n’abaturage b’Akarere ka Palma mu gikorwa ngarukamwaka cy’isuku rusange cyateguwe n’ubuyobozi bw’ako Karere.
Iki gikorwa cyabaye ku wa Kabiri tariki 22 Nzeri 2026, cyari kigamije guteza imbere isuku n’isukura ry’ibidukikije, ndetse no gushimangira ubufatanye hagati y’inzego n’abafatanyabikorwa batandukanye bo muri ako gace.
Cyabereye ku Ishuri ryisumbuye rya Palma mu rwego rwo kwizihiza Umunsi Mpuzamahanga ngarukamwaka w’Isuku, gihuriza hamwe abaturage ba Palma, abayobozi b’inzego z’ibanze, abafatanyabikorwa ndetse n’inzego z’umutekano.
Muri iki gikorwa, Izego z’umiutekano z’u Rwanda zashyikirije Ishuri ryisumbuye rya Palma inkunga y’ibikoresho birimo ibitabo ndetse n’ibikoresho by’imikino, hagamijwe guteza imbere imyigire y’abanyeshuri no kubafasha kugira uruhare mu bikorwa by’imikino.
Umuyobozi w’Akarere ka Palma, João Agostinho Buchili, yashimye iki gikorwa, anashimangira akamaro ko gukomeza kubungabunga isuku n’isukura kugira ngo bifashe gukumira indwara.
Yashimiye kandi RSF ku nkunga ikomeje gutanga ku baturage bo muri ako gace, ndetse n’umusanzu wayo mu bikorwa byo kubungabunga amahoro n’umutekano.
