Christian Irenge yateye imitoma myinshi umugore we Lynda Nkusi amwifuriza isabukuru nziza y’amavuko.
Abinyujije kuri konti ye ya Instagram, kuri iki Cyumweru Christian yagiye ahashyirwa ubutumwa bw’amasaaha 24 (Stories), maze ashyira hanze imvamutima ze zose.
Ati ” Isabukuru Nziza rukundo rwanjye, uyu munsi si ugukata umutsima ahubwo ni ukwishimira umunsi Isi yabaye nziza kuko wavutse, wazanye umunezero mwinshi, Amahoro n’urukundo mu buzima bwanjye”.
Christian yakomeje abwira Lynda ko yishimiye kuba barikumwe yemeza ko amukunda urudacuyuka.Ati ” ndashaka ku kwibutsa ko nyuzwe no kuba turikumwe, nkunda uwo uriwe ndetse na burikimwe turimo kubaka dufatanyije, uyu mwaka uzaguhe buri kimwe ukwiye kuko ukwiye isanzure”
Tariki ya 08 Gashyantare 2026 ni bwo Lynda na Christian bakoze ubukwe bwabereye mu busitani bwa Kaleb Garden ku i Rebero mu Mujyi wa Kigali.
Ubukwe bwabo bwaje bukurikira umuhango wo gusezerana imbere y’amategeko wabaye ku wa 18 Ukuboza 2025 ku biro by’Umurenge wa Kimihurura.
Aba bombi batangiye gukundana muri 2023, nyuma yaho Ku wa 10 Ukwakira 2025 Christian yambika impeta y’urukundo Lynda amusaba kumubera umugore undi na we arabyemera.
Lynda Priya wujuje imyaka 26 y’amavuko, ni umwe mu bakobwa bamamaye cyane ku mbuga nkoranyambaga binyuze muri Sinema ndetse n’ibiganiro bitandukanye akora bigaruka ku ngingo zinyuranye.
Christian Irenge yateye imitoma Lynda Priya
