Amakipe 14 y’abagore n’abagabo, aturuka mu Rwanda, Uganda, Kenya na Bénin agiye guhurira mu irushanwa ngarukamwaka ryo Kwibuka Abazize Jenoside yakorewe Abatutsi mu 1994 (Genocide Memorial Tournament – GMT).
Iri rushanwa rizatangira ku wa Gatanu tariki 19 Kamena 2026, risozwe ku Cyumweru tairki 21 Kamena 2026.
Amakipe yitabiriye mu bagore ni atandatu arimo Kepler VC (Rwanda), APR VC (Rwanda), Police VC (Rwanda), RRA VC (Rwanda), KCB Nkumba VC (Uganda) na KPA VC (Kenya).
Ni mu gihe mu bagabo ari amakipe 8 arimo Kepler VC (Rwanda), Police VC (Rwanda), Gisagara VC (Rwanda), REG VC (Rwanda), RP Ngoma VC (Rwanda), APR VC (Rwanda), Sky VC (Uganda) na Finances VC (Benin).
Kuri uyu wa Kane tariki 18 Kamena 2026 nibwo hateganyijwe inama itegura iri rushanwa, ibera mu cyumba cy’inama cya Minisiteri ya Siporo, ari naho habera tombora y’uko amakipe azakina mu matsinda.
Umwaka ushize wa 2025, irushanwa rya GMT ryari ryegukanwe na Police WVC mu bagore na REG VC mu bagabo.
