Ikigo cy’Igihugu cy’Ibarurishamibare (NISR) cyatangaje ko umusaruro w’inganda wiyongereyeho 6.2% muri Werurwe 2025, ugereranyije n’ukwezi nk’uko mu mwaka ushize wa 2025, mu gihe impuzandengo y’izamuka ku mwaka yari 6.3%.
Ibi byasohotse muri raporo ngarukakwezi y’umusaruro w’inganda (IIP) yasohotse kuri uyu wa 7 Gicurasi 2026.
Iyi raporo ya NISR igaragaza ko umusaruro w’urwego rw’imicungire y’amazi n’imyanda wiyongereyeho 16.8% ndetse ni na wo wiyongereye cyane.
Umusaruro w’amabuye y’agaciro na kariyeri wiyongereyeho 1.8% muri Werurwe 2026 ugereranyije n’ukwezi nk’uko mu 2025, mu gihe umusaruro w’ibikorerwa mu nganda zitandukanye, wiyongeraho 0.9%.
Umusaruro w’ibikorerwa mu nganda zitunganya ibintu bitandukanye wazamutseho ku kigero cya 0.9%. NISR yavuze ko iri zamuka ryatewe n’uko inganda zitunganya ibiribwa zazamutseho 4.2%, ndetse n’inganda zikora ibikoresho by’ibyuma, imashini n’ibindi bikoresho zazamutseho 8.4%.
Icyakora umusaruro w’inganda zikora ibinyobwa n’itabi wagabanutseho 2.4%.
