Ikigo cy’igihugu gishinzwe ibarurishamibare (NISR), cyatangaje ko ibiciro ku masoko muri Nyakanga 2026 byiyongereyeho 14.5% ugereranyije n’uko byari bihagaze muri Nyakanga 2025. Muri Kamena 2026 byari byiyongereyeho 13.6%.
Muri Nyakanga 2026, ibiciro mu mijyi byiyongereyeho 14,5% ugereranyije na Nyakanga 2025. MuriKamena 2026 byari byiyongereyeho 13,6%.
NISR yatangaje izamuka ry’ibuciro ku masoko byiyongereye bitewe ahanini n’ibiciro by’ibiribwa n’ibinyobwabidasembuye byiyongereyeho 13,1%.
Yagaragaje ko ibiciro by’ibinyobwa bisembuye n’itabi byiyongereyeho 9,8%, ibiciro by’amazu, amazi, amashanyarazi, gazi n’ibindi bicanwa byiyongereyeho 21%, ibiciro by’ibijyanye n’ubwikorezi byiyongereyeho 24,2% ndetse n’ibiciro by’amafunguro n’icumbi byiyongereyeho 14,2%.
Ugereranyije Nyakanga 2026 na Kamena 2026, ibiciro byiyongereyeho 0,9%. Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 1,5% n’ibiciro by’ibijyanye n’ubwikorezi byiyongereyeho 1,3%.
Ugereranyije Nyakanga 2026 na Nyakanga 2025, ibiciro by’ibintu bitarimo ibiribwa n’ibikomoka kungufu byiyongereyeho 11,4%.
Ibiciro mu byaro
Muri Nyakanga 2026, ibiciro mu byaro byiyongereyeho 13,3% ugereranyije na Nyakanga 2025. Muri Kamena 2026 byari byiyongereyeho 12,1%.
Bimwe mu byatumye ibiciro byiyongera muri Nyakanga 2026 ni ibiciro by’ibiribwa n’ibinyobwa bidasembuye byiyongereyeho 12,3%, ibiciro by’ibinyobwa bisembuye n’itabi byiyongereyeho 11,5%, ibiciro by’amazu, amazi, amashanyarazi, gazi n’ibindi bicanwa byiyongereyeho 20,1% n’ibiciro by’ibijyanye n’ubwikorezi byiyongereyeho 38,8%.
Ugereranyije Nyakanga 2026 na Kamena 2026, ibiciro byagabanutseho 0,2%. Iri gabanuka ryatewe ahanini n’ibiciro by’amazu, amazi, amashanyarazi, gazi n’ibindi bicanwa byagabanutseho 3,6%.
Ibiciro bikomatanyirijwe hamwe mu mijyi no mu byaro
Muri Nyakanga 2026, ibiciro mu mijyi no mu byaro mu Rwanda byiyongereyeho 13,8% ugereranyije na Nyakanga 2025. Ibiciro muri Kamena 2026 byari byiyongereyeho 12,7%.
Bimwe mu byatumye ibiciro byiyongera muri Nyakanga 2026 ni ibiciro by’ibiribwa n’ibinyobwa bidasembuye byiyongereyeho 12,6%, ibiciro by’ibinyobwa bisembuye n’itabi byiyongereyeho 11%, ibiciro by’amazu, amazi, amashanyarazi, gazi n’ibindi bicanwa byiyongereyeho 20,5%, ibiciro by’ibijyanye n’ubwikorezi byiyongereyeho 27,5% n’ibiciro by’amafunguro n’icumbi byiyongereyeho 12,8%.
Ugereranyije Nyakanga 2026 na Kamena 2026, ibiciro byiyongereyeho 0,3%. Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 0,7%.
