Kuri iki Cyumweru tariki 8 Ugushyingo 2026, ikipe ya APR FC yatangaje ko yongereye amasezerano Umugande Hakim Kiwanuka ukina asatira anyuze ku ruhande.
Ibi APR FC yabitangaje ibinyujije ku mbugankoranyambaga aho yavuze ko uyu musore wayigezemo muri Mutarama 2025 yongereye amasezerano y’imyaka itatu azageza mu 2029.
Mu mwaka w’imikino wa 2025-2026, Hakim Kiwanuka yafashije APR FC gutwara igikombe cya shampiyona akinnyemo imikino 20 atsinda ibitego 5 atanga imipira 2 yavuyemo ibitego. Yanayifashije kandi iyi kipe y’Ingabo z’u Rwanda gutwara Igikombe cy’Amahoro muri uwo mwaka.
APR FC ikomeje kongerera amsezerano bamwe mu bakinnyi bayo aho Uyu mukinnyi w’Umugande ayongeye nyuma ya Kapiteni w’iyi kipe Djibril Ouattara wongereye amasezerano yo kugeza mu mpera za 2028.
Hakim Kiwanuka yageze muri APR FC muri Mutarama 2025 avuye muri SC Villa.
