Isimbi Alliah uzwi cyane muri sinema Nyarwanda ku izina rya Alliah Cool, agiye kugaragara mu mushinga ukomeye wa Filime y’umunya-Nigeria, Ayodeji Makun (AY), yitwa ‘The Waiter’.
Isimbi Alliah yifashishije imbuga nkoranyambaga ze agaragaza ko yishimiye kugaragara muri filime ‘The Waiter’, yamuritswe kumugaragaro mu gihugu cya Nigeria, tariki ya 20 Ukuboza 2024.
Yakomeje agaragaza ko ari intambwe ikomeye nk’umukinnyi wa filime w’Umunyarwandakazi kugaragara muri filime za Nollywood zimaze kuzamuka ku ruhando Mpuzamahanga, ndetse ashimira ubunararibonye bw’abandi bakinnyi b’ikitegererezo bahuriye muri ‘The Waiter’.
Iyi filime ya AY izagaragaramo n’abandi bakinnyi bafite izina rikomeye muri Nigeria barimo Shaffy Bello, Bucci Franklin, Richard Mofe Damijo, umunyarwenya Uchemba Williams, Kunle Remi, Deyemi Okanlawon n’abandi.
