Minisitiri w’Intebe Dr. Justin Nsengiyumva, yifatanyije n’abandi bakuru b’Ibihugu na za Guverinoma mu muhango w’irahira rya Perezida wa Côte d’Ivoire, Alassane Ouattara.
Ni umuhango wabereye mu murwa mukuru wa Abidjan kuri uyu wa Mbere, tariki 8 Ukuboza 2025.
Ku munsi wo ku Cyumweru nibwo Minisitiri w’Intebe yageze muri Côte d’Ivoire aho byari biteganyijwe ko ahagararira Perezida Kagame mu muhango w’irahari rya mugenzi we Alassane Ouattara .
Alassane Ouattara w’imyaka 83 yatangiye kuyobora Côte d’Ivoire agiye kuyobora iki gihugu muri manda ya kane nyuma yo gutsinda amatora yabaye ku wa 27 Ukwakira 2025, ku majwi 89%.
Mu bakandida bari bahanganye na Ouattara harimo uwahoze ari Minisitiri w’Ubucuruzi, Jean-Louis Billon, wagize amajwi 3.09%, akurikirwa na Simone Gbagbo, wahoze ari umugore wa Laurent Gbagbo na we wayoboye Côte d’Ivoire, wagize amajwi 2.42%, nk’uko byatangajwe na Perezida wa Komisiyo y’amatora, Ibrahime Coulibaly-Kuibiert.
