Ikipe y’Igihugu y’u Rwanda y’umukino wa Tennis mu bagore igiye kwitabira irushanwa rya Billie Jean King Cup Africa Group IV rizabera i Abidjan muri Côte d’Ivoire.
Iri rushanwa rizkinwa kuva tariki 12 kugeza tariki 15 Kanama 2026, aho u Rwanda ruri mu itsinda rya kabiri (B) hamwe na Ethiopia, Benin, Mozambique, Côte d’Ivoire na Lesotho.
Umutoza Uwamahoro Bimenyimana Eric yatangaje abakinnyi 4 bazitabira iri rushanwa aribo Umumararungu Gisèle, Tuyishimire Rona, Nishimwe Carine na Tuyishime Sonia.
Mu itsinda A harimo amakipe 7 ariyo Congo, Repubulika Iharanira Demokarasi ya Congo, Seychelles, Tanzania, Togo, Uganda na Zambia.
Muri buri tsinda hazazamuka ikipe imwe, hanyuma aya makipe ahite ahura yishakamo ikipe izazamuka muri Gorup III izakinwa muri 2027.
Mu 2025 irushanwa rya Billie Jean King Cup Africa Group IV ryakiniwe i Kigali. U Rwanda rwasoreje ku mwanya wa gatatu inyuma ya Cameroon yabaye iya mbere na Togo yabaye iya kabiri bituma itazamuka muri Group III.
