Shampiyona y’icyiciro cya mbere ya volleyball y’umwaka wa 2026-2027 mu bagore n’abagabo, Rwanda National Volleyball League, izatangira tariki 16 Ukwakira 2026.
Ibi byemerejwe mu Nama y’Inteko Rusange y’Ishyirahamwe ry’Umukino wa Volleybal mu Rwanda, FRVB, yateranye kuri uyu wa Gatandatu tariki 8 Kanama 2026, iyoborwa na Perezida w’iri Shyirahamwe, Ngarambe Raphaël.
Mu bindi byagarutsweho muri iyi Nteko ni ukurebera hamwe uko umwaka ushize wagenze, raporo y’ikoreshwa ry’imari ndetse na gahuna y’ibikorwa iteganyijwe mu mwaka utaha w’imikino wa 2026-2027.
Shampiyona y’umwaka ushize yitabiriye n’amakipe 9 mu bagabo ndetse n’amakipe 7 mu bagore.
Mu cyiciro cy’abagabo igikombe cyegukanwe na REG VC naho mu bagore cyegukanwa na APR WVC.
