Bamwe mu babyeyi bafite abana bafashwa na Sherry Silver Foundation, barishimira uburyo uyu muryango ukomeje kwagura impano z’abana babo ndetse bakaba bahungukira ubumenyi rusanjye.
Umwe mu babyeyi bafitemo abana yaganiriye na IGIHE avuga ko yishimira uburyo afatanya na Sherry Silver kurera umuhungu we, ndetse akaba aterwa ishema n’uburyo yagura impano ye ndetse akaba anakura mu mitekerereze.
Uyu mubyeyi wa Denzo yasobanuye ko Sherry Silver yamusanganye ubunyangamugayo nub’utwari, ati” Ikintera kuvuga ko ari intwari ni uko yaje gusanga atakorana neza n’abana atabanje kumenyana n’imiryango yabo. Yaradutumiye aratwakira aratuganiriza, atubwira uko twafatanya kurera no kubaka u Rwanda rwahazaza”.
Uyu mubyeyi akomeza avuga ko Sherry yabatuye imitwaro bari bafite yemera gufatanya nabo mu bushobozi yarafite, ati “Aho Denzo agereye hano muri Sherrie Silver Foundation navuga ko hari imitwaro natuye, ariko ku rundi ruhande ndanezerewe cyane kuko yangabanyirije ibibazo sinavuga ko ari ijana ku ijana ariko twaragabanye.”
Uyu mubyeyi avuga ko umwana we yahoraga amusaba ko yamujyana mu kigo bigisha kubyina no kuririmba aribwo yamuhuzaga na Sherry Silver, ndetse agashimishwa n’indagagaciro yamusanganye byatumye yizera ko umwana we ari mu maboko meza.
