Ikipe y’Ingabo z’Igihugu z’igihugu, APR yatangaje ko imikino yo mu ijonjora ry’ibanze rya CAF Champions League bagombaga gukina yahinduriwe amatariki kubera Shampiyona y’amagare.
Mu itangazo iyi kipe yashyize hanze ku mugoroba wo ku wa gatanu, tariki ya 15 Kanama 2025, yavuze ko imikino ya CAF Champions League ibanza yari iteganyijwe tariki ya 19 kugeza tariki ya 21 Nzeri 2025, n’imikino yo kwishyura yari iteganyijwe nyuma y’icyumweru hagati ya tariki ya 26 na 28 Nzeri 2025 yimuwe.
Iyi mikino yimuwe bitewe nuko aya matariki yari buzakinwe mu mujyi wa Kigali, mu mihanda iri hafi na Stade Amahoro aho imikino yagombaga kubera, hazaba hari kuberamo irushanwa rya Shampiyona y’Isi y’Amagare.
APR FC yatangaje ko kubera iyo mpamvu, imikino yimuriwe amatariki “Umukino ubanza wa CAF Champions League uteganyijwe tariki ya 28 Nzeri, naho uwo kwishyura ube tariki ya 4 Ukwakira.”
Iri tangazo rikomeza rivuga ko mu gihe cya vuba hazatangazwa ikibuga kizakinirwaho umukino wa mbere izakiramo ikipe ya Pyramids yo mu Misiri.
Uretse imikino ya CAF, APR ikomeje imyiteguro y’umwaka w’imikino wa 2025/2026, aho ifitanye umukino wa gishuti n’ikipe Power Dynamos yo muri Zambia kuri iki Cyumweru, tariki ya 17 Kanama 2025.
